Елорда әкімі Жеңіс Қасымбек медицина қызметкерлерін кәсіби мерекесімен құттықтады.
Айтулы күнге орай №3 көпбейінді қалалық балалар ауруханасының бактериологиялық және иммунологиялық зертхана бөлімшесінің меңгерушісі Волкова Гүлнара Серікқызы «Еңбек ардагері» медалімен және Астана қаласы әкімінің атынан алғыс хатымен марапатталды.

Гүлнара Серікқызын ұзақ жылдар бойы медицина саласының дамуына қосқан үлесі мен еңбегі үшін алғыс білдіреміз!
Қала әкімі өз құттықтау сөзінде: «Өткен жылы емханалардағы дәрігерлер 10 миллионнан астам қабылдау өткізді, жедел жәрдем қызметі жеті жүз мыңнан астам науқасқа жедел көмек көрсетті. Елорда ауруханалары екі жүз мыңға жуық науқастың өмірін сақтап, жүз мыңнан астам күрделі ота жасады. Сіздер, 30 мыңнан астам нәрестенің дүниеге келуіне көмектестіңіздер!
Бұл сандар, сіздердің орасан зор еңбектеріңіз бен жоғары білімдеріңіздің айқын бейнесі», – деп атап өтті.