Күнделікті өмірде бәрі бақылауда тұрғандай көрінеді. Бірақ денсаулыққа қатысты күтпеген жағдайлар кез келген уақытта тіпті денсаулығы мықты, иммунитеті жақсы адамдардың өзінде де орын алуы мүмкін. Мұндай сәттерде емдеуге кететін үлкен қаржылай шығындарға дайын болмауымыз мүмкін.
Сондықтан ертеңгі күнді алдын ала ойластырған жөн. Бұл ретте МӘМС жүйесі көмектесе алады. Ай сайын 4 250 теңге көлемінде жарна төлеп немесе жылдық мәртебені 51 000 теңгеге рәсімдеу арқылы, қажет болған жағдайда сізге қажетті медициналық көмектің көрсетілетініне сенімді бола аласыз. Оның үстіне, МӘМС шеңберінде құны бір миллионнан бірнеше миллион теңгеге дейін жететін жоғары технологиялық операциялар да жүргізіледі.

Әлеуметтік жағынан осал санаттағы азаматтар үшін жарналарды мемлекет төлейді. Бұл 12 миллионнан астам адам. Әдетте ата-аналар 18 жасқа толған балалары әрі қарай да МӘМС аясында медициналық көмек алуын жалғастыра ма деп сұрайды. Мәртебені жоғалтпаудың бірнеше жолы бар. 

Қазақстанда 1,5 млн адам артериялық гипертензия диагнозымен есепте тұр. Жыл сайын инсульт, миокард инфарктісі сияқты артериялық гипертензияның 50 мыңнан астам асқынуы тіркеледі.
Мұндай пациенттер кардиологқа тұрақты түрде барып, тексерулерден (ЭКГ, СМАД, холтер) өтіп, дәрі-дәрмектерді жүйелі қабылдау қажет. Ал асқынулар туындаған жағдайда бірнеше жүз мыңнан бірнеше миллион теңгеге дейін жететін операциялар қажет болуы мүмкін.
2026 жылдан бастап сақтандырылған азаматтарға қажетті медициналық көмектің барлығы МӘМС есебінен көрсетіледі. Егер мәртеңіз сақтандырылған болмаса, алдын ала бір жылға 51 000 теңге (айына 4 250 теңге) төлеу арқылы алуға болады.
Өз мәртебеңізді тексеріп, денсаулығыңызды қадағалап жүріңіз!

Қант диабеті – әлемдегі ең кең таралған инфекциялық емес аурулардың бірі. Қазақстанда бұл диагнозбен шамамен 500 мыңға жуық адам өмір сүреді. Ол талдаулар тапсыру, дәрігерлер кеңесін алу, емді бақылауды қоса алғанда бір реттік емдеуді емес, тұрақты бақылауды талап етеді.
2026 жылдан бастап қант диабеті бар пациенттердің емі мен диспансерлік бақылауы МӘМС жүйесіне енгізіледі. Яғни барлық жоспарлы қабылдаулар, қажетті тексерулер және дәрі-дәрмектер олар үшін қосымша төлемсіз қолжетімді болады. Ең бастысы – МӘМС жүйесінде сақтандырылған болу.
Мәртебені алу үшін соңғы 12 айға төлеген жарналар болуы қажет. Дербес төлеушілер үшін жарна мөлшері айына 4 250 теңге, яғни жылына 51 000 теңгені құрайды.