Мәртебені тексеру үшін кез келген ыңғайлы құралды пайдалана аласыз:

-        Telegram-дағы SaqtandyryBot (https://t.me/SaqtandyryBot);

-        ӘМСҚ сайты (https://msqory.kz/ru/naseleniyu/uznat-status-kalkulyator-osms/uznat-status-zastrakhovannosti/);

-        Qoldau 24/7 мобильдік қосымшасы;

-        eGov.kz сайты немесе eGov mobile мобильді қосымшасы;

Ресми түрде жұмыс істемейтін, бірақ табыс табатын адамдар МӘМС жарналарын да, басқа да міндетті төлемдерді төлемейді. Алайда кей жағдайларда сақтандырудың болуы шешуші рөл атқарады.
Жоспарлы медициналық көмек қажет кезде азаматтың мәртебесі сақтандырылмаған болса, медициналық қызметтерді ақылы түрде алуға тура келеді.

Медициналық сақтандыру қоры халыққа профилактикалық тексерулерден бастап, тар бейінді мамандардың қабылдауы мен консультацияларына, созылмалы аурулары бар азаматтарды динамикалық бақылауға, шұғыл және жоспарлы стоматологиялық көмекке қолжетімділік береді. Сондай-ақ зертханалық және жоғары технологиялық диагностикалық қызметтер, стационарлық көмек, медициналық оңалту және бекітілген тізім бойынша дәрілік қамтамасыз ету МӘМС шеңберінде көрсетіледі.

2026 жылдың 1 қаңтарынан бастап әлеуметтік маңызы бар аурулардың жаңартылған тізімі күшіне енеді. Бұл тізімге келесі аурулар кіреді:

• туберкулез;
• адамның иммун тапшылығы вирусы;
• созылмалы вирусты гепатиттер және бауыр циррозы;
• қатерлі ісіктер;
• психикалық және мінез-құлық ауытқушылықтары;
• жедел миокард инфаркті (алғашқы 6 ай);
• жүйке жүйесінің дегенеративті аурулары;
• орталық жүйке жүйесінің аурулары;
• сирек кездесетін, яғни орфандық аурулар;
• эпилепсия;
• цереброваскулярлық аурулар (1 жыл көлемінде). 
  Толығырақ...