Қазақстан халқының жалпы саны 20,4 миллион адамды құрайды. Оның ішінде 16,8 миллион адам немесе 82,3% міндетті әлеуметтік медициналық сақтандыру (МӘМС) жүйесінде сақтандырылған. Ал 3,6 миллион азаматтың сақтандыру мәртебесі жоқ. 

Сақтандырылмаған азаматтардың ішінде: 

• төлем жасауға қабілетті, бірақ жарна төлемейтін тұлғалар; 

• ресми тіркелмеген жұмыссыздар бар. 

МӘМС жүйесінде сақтандырылғандар екі негізгі санатқа бөлінеді: 

1. Жеңілдікті санат — 12,3 млн адам
   Мемлекет есебінен жарна төленетін азаматтар: балалар, зейнеткерлер, жүкті әйелдер, көпбалалы аналар, мүгедектігі бар адамдар және басқа да әлеуметтік санаттар. 

2. Өзін-өзі және жұмыс беруші төлейтіндер — 4,5 млн адам
   Бұл — жұмыс істейтіндер, жеке кәсіпкерлер, жалдамалы жұмысшылар және жұмыс берушілер. 

2026 жылдың 1 қаңтарынан бастап енгізілетін жаңа тәртіпке сәйкес, жергілікті атқарушы органдар (әкімдіктер) келесі санаттарға жататын ресми тіркелген жұмыссыздар үшін МӘМС жарналарын төлейді: 

• Дағдарыстық санат (D); 

• Шұғыл санат (E); 

• Ресми тіркелген жұмыссыздар. 

Бұл — әлеуметтік қорғауға мұқтаж азаматтардың медициналық қызметке қолжетімділігін арттыруға бағытталған шешім. 

2026 жылдың 1 қаңтарынан бастап азаматтарға өз мәртебесін анықтау үшін өз емханасына жүгіну, қажет болса, жұмыспен қамту орталығына тіркелу ұсынылады. 

Сақтандырылған азаматтар үшін МӘМС пакетіне кіретін қызметтер: 

1. диагностикалық тексерулер; 

2. дәрігерлердің консультациялары; 

3. жоспарлы операциялар; 

4. амбулаторлық және стационарлық ем; 

5. оңалту қызметтері. 

Барлық осы қызметтер тегін көрсетіледі. 

Азаматтар өз сақтандыру мәртебесін келесі қолайлы арналар арқылы тексере алады: 

Telegram-бот: @Saqtandyrýbot 

MSQORY.KZ ресми сайты 

Qoldau 24/7 мобильді қосымшасы 

EGOV.KZ порталы 

Тіркелген емхана арқылы 

Медициналық көмек алу үшін азамат түрақты тіркелген жері бойынша емханаға тіркелуі қажет. 

Өз денсаулығыңызға жауапкершілікпен қарап, мәртебеңізді тексеріп, сақтандырылған болыңыз.