Жыл сайынғы науқанның мақсаты - бүкіл әлемдегі адамзатты инфекциялардың антибиотиктерге төзімділігі туралы хабардарлығын арттыру, сондай-ақ оның одан әрі дамуы мен таралуына жол бермейтін озық тәсілдерді қолдану.
Антибиотиктер (микробқа қарсы агенттер) – микроорганизмдерді (бактерицидтік әсер) жоятын немесе олардың көбею қабілетін (бактериостатикалық әсер) тежейтін синтетикалық немесе табиғи заттар.

1928 жылы Александр Флемингтің алғашқы пенициллин антибиотикін ашуы тарихтың әрі қарайғы бағытын және медицинаның дамуын өзгертті. Пенициллин Екінші дүниежүзілік соғыс кезінде көптеген адамдардың өмірін сақтап қалды, антибиотиктерсіз көптеген процедуралар, сондай-ақ хирургиялық араласулар қанмен улану қаупінің жоғарылауына байланысты қауіпті болады.
Антибиотиктер табылғаннан бері бұл препараттар қазіргі заманғы медицинаның арсеналындағы ең күшті құралдардың біріне айналды, бірақ антибиотиктерді медицина мен ветеринарияда жиі қолдану, сондай-ақ оларды мақсатсыз қолдану төзімділіктің пайда болуына және таралуына ықпал етті.
Антибиотиктерге төзімділік (антибиотикке төзімділік) микробтар олармен күресу үшін қолданылған дәрілерге қарсы тұра алатындай микроорганизмдердің мутацияларынан туындайды. Тұрақтылық дамыған сайын дәрі-дәрмектердің тиімділігі біртіндеп төмендейді және нәтижесінде толығымен жоғалады. Микроорганизмдер қалыпты жағдайда олардың өсуін жою немесе тежеу үшін жеткілікті антибиотик концентрациясы болған кезде өмір сүреді және тіпті өседі.
Антибиотиктерге төзімділіктің пайда болуының алдын алу мақсатында:

Антибиотиктерді тек дәрігердің нұсқауы бойынша қолданыңыз;

Антибиотиктерді қажетсіз, соның ішінде профилактикалық мақсатта қолданбаңыз;

Антибиотиктерді дұрыс дозада және қажетті уақыт аралығында қабылдаңыз;

Ауру қаупін азайту үшін профилактикалық шараларды қолданыңыз( мысалы, вакцинация);

Егер емдеу курсы аяқталып, антибиотик қалса, қалдықтарды «қымбат ақшаға алдым не  тастауға қимаймын» деп аяғына дейін тұтынбаңыз.

2015 жылдан бастап Дүниежүзілік денсаулық сақтау ұйымының (ДДҰ) бастамасымен қараша айында Дүниежүзілік антибиотиктерді дұрыс қолдану апталығы (World Antibiotic Awareness Week) өтеді.
Әрқайсымыз антибиотиктерге төзімділікті төмендетуге өз үлесімізді қоса аламыз. Жоғарыда сипатталған ережелер тек осы аптада ғана емес, үнемі күшінде болғаны жөн. Бүкіл адамзаттың өмірі мен денсаулығы ең маңыздысы.