Көкжөтел  — бұл жұқпалы ауру. Ол қатты жөтелмен сипатталады. Бұл ауру әсіресе нәрестелер мен балалар үшін қауіпті. Ауру белгілері басталған  уақытында байқап, алдын алу шараларын қабылдау өте маңызды.

Көкжөтелдің белгілері:

Жөтел — басында кәдімгі жөтел сияқты басталады, бірақ уақыт өте келе күшті және ұзаққа созылатын, бірнеше минутқа дейін созылатын үдеумен пайда болады.
«Коклюш дыбысы» — қатты жөтелден кейін бала дауыстап терең дем алады. Ол көбінесе ысқырық дыбысын шығарады.
Құсу мен жүрек айну — қатты жөтелдің салдарынан құсу болуы мүмкін.
Жоғары температура — көбінесе жоғары емес, бірақ аурудың басында болуы мүмкін.

Жалпы әлсіздік — бала шаршағанын, әлсіз екенін сезінуі мүмкін.

 Көкжөтел қалай таралады?

Көкжөтел ауамен таралатын тамшылар арқылы жұғады. Яғни, инфекциямен ауырған адам ауру белгілері байқалмай тұрып та вирус жұқтыруы мүмкін. Бұл әсіресе жаңа туған сәбилер үшін өте қауіпті, себебі олардың иммундық жүйесі әлі толық жетілмеген.

 Емдеу және алдын алу:

Вакцинация — ең тиімді алдын алу шарасы. Көкжөтелге қарсы вакцина ұлттық егу күнтізбесіне енгізілген және бұл ауыр салдарлардан қорғауға көмектеседі.
Антибиотиктер — аурудың ерте кезеңдерінде антибиотиктер тағайындалады, олар аурудың ұзақтығын қысқартып, асқынулардың алдын алуға көмектеседі.
Симптоматикалық емдеу — жөтелді жеңілдететін және баланың жағдайын жақсартатын дәрілерді қолдану.

Қауіпті асқынулар:

Көкжөтел - пневмония, құрысу сияқты ауыр асқынуларға әкелуі мүмкін, ал нәрестелер үшін тіпті өлімге әкелуі мүмкін. Сондықтан дәрігерге уақытында жүгініп, барлық ұсыныстарды орындау өте маңызды.

Ата-аналарға кеңес:

• Егер балада қатты жөтел және ысқырық дыбысымен жөтел пайда болса, дереу дәрігерге көрініңіз.
• Баланың барлық қажетті егуін алғанына көз жеткізіңіз.
• Ауру белгілері бар адамдармен байланыстан аулақ болыңыз, әсіресе көкжөтел ауруының таралу кезеңінде.

Балалардың денсаулығына қамқор болыңыз және аурулардың алдын алу шараларын ұмытпаңыз!