Қазақстан халқының саны – 20,4 млн адам. Оның 16,8 млн-ы сақтандырылған, ал 3,6 млн азаматта сақтандыру мәртебесі жоқ. Осы топтың шамамен 1 млн-ы – Отбасының цифрлық картасы деректері бойынша дағдарыстық және шұғыл деңгейдегі әлеуметтік жағдайы бар тұрғындар, олардың жарна төлеуге мүмкіндігі жоқ.
2026 жылдың 1 қаңтарынан бастап дағдарыстық (D) және шұғыл (E) санаттағы азаматтар, сондай-ақ ресми тіркелген жұмыссыздар МӘМС жүйесінде жергілікті атқарушы органдар есебінен сақтандырылады.

МӘМС аясында сақтандырылған азаматтарға келесі медициналық қызметтер тегін ұсынылады:

* анализдер;

* УЗИ, КТ, МРТ секілді диагностика;

* дәрігерлердің консультациялары;

* жоспарлы операциялар;

* емдеу;

* оңалту және басқа да қызметтер. 

Өз мәртебеңізді тексеру жолдары:

SaqtandyryBot (Telegram), msqory.kz, Qoldau 24/7 қосымшасы, eGov және eGov Mobile, тіркелген емхана. 

Медициналық көмек алу үшін тұрғылықты мекенжайыңыз бойынша емханаға тіркелу қажет.